2016.01.01

Заа ингээд 2016 он гарчихлаа. Энэ онд маш их зүйл болно, их зүйл өөрчлөгдөнө гэж хүлээж байгаа. Бас маш идэвхитэй байна гэж төлөвлөж байгаа.

Ээжээ та надад зөвлөөч. Шийдэж чадахгүй зөндөө асуудлууд надад байна. Ганцаараа шийдвэр гаргаж чадахгүй байна. Зүгээр л хоол хийсэн ч хэн нэгнээс асуумаар санагдах юм. Энийг яах билээ гэхээр хэлээл өгдөг. Таниас минь өөр тэгж хэлдэг, мэддэг, зөвөлдөг, ард минь тулгуур болдог хүн хаана ч алга. Шөнө зүүдэнд минь ирээд хамт байгаасай гэж хүсэх юм. Хүссэн болгоноороо зүүдэлдэггүй. Амьдралдаа хамт байх боломж байхгүй ч гэсэн ядаж зүүдэндээ үргэлж хамт байхыг хүсэж байна. Ээжийн бяцхан охин болоод эрхлээд л байж баймаар байна. Энэ ертөнц дээр тэврээд үнсэх ч хүн алга. Танийхаа гарнаас атгаад толгойгоо илүүлээд л хэвтэхсэн.

Мэдрэмж

Хүү

Ногоон тал дээр дэвсгэр дэвсчихсэн хэвтэнэ. Хэн нэгэн бяцхан хүүг эрхлүүлээд л. Жижигхээн хөлөөрөө нүүрэн дээр гишгээд би үнэхээр жаргалтай байх тэр мэдрэмж. Хүүгийн ээж хүрээд ирлээ. Солонго. Түүнтэй юм яриж чадахгүй. Нэг мэдсэн Солонго хүүгээ аваад тээр тэнд очоод зогсчихож. Алсаас хэн нэгэнтэй ярилцангаа тэр 2г ажиглана. Түүнд хайртай гэсэн мэдрэмж тээр гүнээс лугших.

Голын мэдрэмж

Гэнэт өнгөрсөн бүхэн бодогдож өнгөрснөө алдсанаа найз охиноо алдсандаа мааш ихээр харамслаа. Үе үе хүчтэй мэдрэгддэг тэр мэдрэмжүүд маш хэцүү. Уйлмаар. Тэхдээ нулимсгүй. Уйлаад ч харамсаад ч одоо бүх зүйл ард хоцорсон. Одоо урагшаагаал харна. Урд байгаа салаагуудын бас алийг нь дагахаа мэдэхгүй. Сонин голын мэдрэмж.

Ганцаардал

Би бол ганцаардах дургүйэ.  Тэгсэн мөртөө л хажууд хүн байсан ч ганцаарддаг. Ганцаардал нь сайн бас муу талтай юм байна шүү.

 Ганцаардлын ашигтай тал юу юм бэ? гэхээр: эхний ээлжинд сэтгэлээ барьж чаддаг болно, хуурамч төрх үзүүлж чаддаг болно, өөрөө өөртэйгөө тэндүү төгс ярилцаж чаддаг болно, бие даан шийдвэр гаргаж сурна, бусдын үзэл бодол тийм ч чухал бус, харин өөрийн үзэл бодол илүү мэт санагдана. Ашигтай тал их байгаа. Дэндүү биеэ дааж сурдаг нь хамгийн чухал чанар нь юм.

Харин сөрөг тал юу юм бэ? гэвэл: бусдыг ойлгож чаддаггүй болно, зөвхөн өөрийн зөв гэж боддог болно, дэндүү даруу байдал, сэтгэл хөдлөлөө гадагшаа гаргах их хэцүү санагддаг болно, сэтгэлээ нээж ярих гэхээр өөртөө л ярихаас өөр арга үгүй байдалд орно. 

гэсэн байна. Тэхээр би давуу талыг ихээр цуглуулж байгаа юм байна. Нээрээл хэн нэгэнтэй сэтгэлээ онгойтол ярилцаж, уйлмаар санагдсан ч уйлахаа больчихсон байсан юмаа. 

Мөнгө

Намайг мөнгөгүй арчаагүй гэж хэлээ өвөө маань. Миний бодол бол бүр эсэргээрээ. Мөнгө юунд хэрэгтэй вэ. Мэдээж идэж ууна, өмсөнө, зугаацна, янз бүрийн хэрэглээнд л хэрэгтэй. Зөндөө мөнгө дансандаа хадгалснаараа баян гэдэг тодотголыг авна гэж би бодохгүй байна. Мөнгө хадгалах хэрэгтэйлдээ. Тэхдээ л сэтгэл баян байвал заавал мөнгө гэмээргүй санагддаг юм. Өнөөдөр мөнгө байхгүй ч бусад бүх зүйл надаа байж байна. Тэхээр миний бодлоор би баян л байгаад байгаа юм. Дуртай ажилаа хийж байна. Дуртай үедээ гэртээ суучиж байна. Дуртай үедээ гараад дуртай газраа очичиж байна. Хүү маань дутсан юмгүй л байна. Хоол ундтай, хувцас хунартай. Мөнгөгүй үедээ гэртээ киногоо татаад үзчихнэ. Мөнгөтэй болхоороо кино театр орчино. Заавал мөнгөтэй байжийж арчаатай, мундаг, хангалуун байна гэж байхгүйэ. Би лав өөртөө баян хүн.

Алтлаг Ретривэр

https://www.youtube.com/watch?v=M75Z0VrtpMo
Удахгүй нэвтрүүлгээ хийнэ дээ.

Тэврэлтээ бүү харамла

Бидний мэдрэмж, үйлдлийн үгэн илэрхийлэл нь дамжуулж буй мэдээллийн 10%-ийг бүрдүүлдэг бол үлдсэн хувийг бид өөрсдийн үйл хөдлөл, биеийн байдал, толгойн өргөлт, гарын атгалт, мөн түүнчлэн “хайрын тэмдэг” болох тэврэлт, шүргэлт, үнсэлтээрээ илэрхийлдэг билээ.

он дуустал 255 өдөр

4 сарын 20 нь Григорийн тооллын жилийн 110 дахь (өндөр жил бол 111 дэх) өдөр юм. Мөн он дуустал 255 өдөр үлдэж байна.

Ижийгээ тээр үзлүү яалаа..

Хорь гарчихсан байж хойморт нь өдөржин хонхойж
Хоол нэхэж, хормойд нь чирэгдэж явна би ээжийнхээ
Хийж өгсөн хоолыг нь голон байж хороочихоод
Хээтэй гангар шаазанг нь шидэн байж хялайчихаад
Угааж өгсөн хувцасыг нь хуучин гэж шидлээд
Унтаж боссон хэвтрээ хэвээр орхиод гарсан би...
Сүүгээр угжсан үнэр нь сүрчигний аагинд алдарч
Үүр шөнийн заагаар үүрэндээ халамцуу ирэхэд минь
Үс нь буурал эмгэн үүд тосон угтахад, би гайхав
Санаа зовнин үрээ хүлээсэн ээжийн минь
Санчиганд нь хяруу унасан нь тэр байжээ
Өчигдрийн дарсанд шартаж хөмсөг зангидан сэрэхэд
Өглөөний цай оронд барьж сэвлэг илсэн ээжийнхээ
Тэнэмэл үрээ гамнаж зэмлэсэн хэдэн үгэнд нь
Тэнэг би ойворгон загнаж, ижийгээ тээр үзлүү яалаа?
Ааваа нэхэн агсам тавихад минь шөнөжин уйлж
Ачлал умартан тунихад минь өдөржин аргадаж
Гээсэн нойроо нөхөх гэж орондоо хөглөрөх үрээ
Гэртээ өнжлөөл гэж баярлахдаа өвчнөө мартдаг ижий
Утасны хонхонд хөл алдаж ухасхийн гүйхэд минь
Урдах цайгаа хөртөл бодолд дарагдсан ээж минь
Үрээ ухааруулах гэсэндээ үхлээрээ айлгах ижийнхээ
Үнэн сэтгэлийг нь анзааралгүй үүдээ саваад гарлаа би...

Харанхуй гудамжинд ганцаар явахдаа би ээжийгээ бодлоо
Халамцуу хүмүүс хажуугаар зөрөхөд би ижийгээ саналаа
Золбин нохой замд боргоход би "ЭЭЖЭЭ" дуудан цочлоо
Зовхио чилтэл хүлээсэн ижийгээ хараад, би уужирлаа
Уургийг нь гувшиж хүн болчихоод
Усыг нь цутгуулж амьд гарчихаад
Ухаажсан билүү би, ижийнхээ амьдад
Унтах нойрыг нь төрсөн цагаас хугасалчихаад
Урсах нулимыг нь өссөн цагаас барчихаад
Уучлаарай гэж хэлсэн билүү би ээждээ
Бурханг царайчилж үрээ даатгадагт тань
Бурууг минь өршөөж бусдаас өмөөрдөгт тань
Өвдөхөд өмнөөс минь уйлдагт тань
Үрдээ хоргодохдоо үхэж чаддагүйд тань
Ээж таньдаа охин нь баярлалаа гэж хэлье
Энэрэл харам хорвоод ижийгээ дуудаж залбиръя

Үр тань таныгаа үүрээд явъя, нуруундаа биш сэтгэлдээ тээе
Үлдсэн амьдралаа хамт туулъя, үүрд биш ч үхтэл хамт байя
Дааж баршгүй ачийг тань марталгүй заавал хариулъя
Дараагийн амьдралдаа та харин охин минь болж төрөөрэй ижий минь..

Зүүд

Гадаа нар ээчихсэн дулаахан. Хэн нэгэн 2 эмэгтэйтэй бичлэг хийн их л жаргалтай явна. Моддын навчис намиран хийсэж завсраар нь нарны туяа нэг тусан нэг далд орно.
- Хэдүүлээ дугуй унаж бичлэгээ үргэлжлүүлеэ
Дугуйн дээрээс зам жирэлзэн, камерний дуранд 2 эмэгтэй аз жаргалтай инээмсэглэл. 2 талаараа жижигхэн төмөр хашаагаар хашуулан ургасан өндөр модод шаргалтна. Салхи нүүрийг илбэн дугуй унах нь нэг л таатай. Эргээд хартал баахан урт үстэй найзууд "Fuck". Тэднийгээ харан "сахилгагүй амьтад шүү" инээмсэглэнэ.  "Камерний дуран бохирдчихжээ, арчих хэрэгтэй болж". Урд дугуй юманд тээглэн хойд дугуй урагша годройтон унах шахлаа. Зогсож байгаад дурангаа арчичихаад хөдлөв. Зам хөндлөн тавьсан бүдүүн том модонд харсаар байж түрүүнийх шигээ дахин тээглэв. Энэ удаа тээглээд зогссонггүй газраас хөндийрөн эргэлдлээ. Агаарт хэд сэгсчүүлээд газарт уналаа. Эргэн тойрноо ажвал "Бавагийн нас барсан газар". Тээр тэнд зам дээр гар нь тасран цусандаа хутгалдсан эрэгтэй хүн хэвтэнэ. "Бавагийн бие".
- Зугтаарай Бава намайг авч явах гэж байна" Хамаг хурднаараа гүйлээ. Ард мод хугаран тас няс хийн унав. "Бава надруу мод шидэж байна"
СЭРЧИХЛЭЭ

Заримдаа ийм сэтгэл догдлол хөөрөл мэдрэх гоё. Шал утга учиргүйгээр догдлоод л...

Төрсөн өдөр

Өчигдөр төрсөн өдөр боллоо. Урд нь эртнээс догдлоод л тэмдэглэдэг байсан одоо догдолсончгүй тэмдэглэсэнчгүй. Олон шалтгаантайлдаа. Ямар ч байсан 30 жилийн өмнө намайг төрүүлж өгсөн ЭЭЖдээ баярлаж байна. Энэ дэлхий дээрх амьдралыг мэдрүүлсэн миний ЭЭЖ. Олон олон хүүхдүүд төрж чадахгүй буцаж байгаа шүү дээ. Би төрсөндөө баярлах биш төрүүлж өгсөн ээждээ баярлах өдөр.

Заяаны ханьтайгаа учирч уу?

1. Тухайн хүний талаар урьд нь зүүдлэх буюу зөгнөж байсан буюу өмнөх амьдралын энергийн холбоос, харилцаа холбоогоо мөн зүүдэлж, зөгнөсөн байх. 
2. Заяаны ханьтайгаа учрах нь "гэртээ ирж буй" мэт ойр дотно санагдаж, урт удаан хугацаанд уулзаагүй үгүйлэн санасан сэтгэлээ нөхнө. Уулзсаны дараа урьд өмнө буюу өөр цаг хугацаа, орон зайд учирч байсан дурсамжууд сэргэнэ.
3. Заяаны хань чинь сэтгэл санаа, тааламжгүй байдал зэргийг тольдон харуулахын зэрэгцээ бие биенийгээ ур чадвар, авьяасаараа нөхдөг. Нэг ёсондоо yin/yang энерги шиг бие биенээ гүйцээн, балансжуулна. 
4. Та хоёрын дор хаяж хэн нэг нь өндөр давтамжтай байх бөгөөд Индиго, Кристал юм уу ямар нэг байдлаар дээрх төрлийн генийг өөртөө агуулдаг.
5. Нас, хүйс, өсөж төрсөн орчин, шашин, соёлын хувьд асар их ялгаатай байсан ч маш дотно, нэгдмэл болохоо мэдэрнэ.
6. Та хоёр бие биенийхээ өвчин зовинол, сэтгэл хөдлөлийг хол байхдаа хүртэл мэдэрнэ.
7. Бие биенээсээ хол байхдаа сульдаж доройтдог. Бие, сэтгэл санааны хувьд өвдөнө.
8. Та хоёрын харилцаа эрүүл, тэнцвэртэй байгаа тохиолдолд хэн хэн нь илүү хүчирхэг, чадвартай болдог. Та хоёр бусад хүмүүст, дэлхий ертөнцөд туслах зорилгын доор нэгдсэн болохоо мэдэрнэ. 
9. Чи заяаны ханиа хязгааргүй хайрлана. Та түүний аль нэг зан чанарт бусдаас илүү татагдана. 
10. Та хоёр учрах үед хэн нэг нь эсвэл аль аль нь өөр хүнтэй байж таарах нь бий. Нэг ёсондоо огт таамаглах аргагүй нөхцөл байдалд учирна. 
11. Та хоёрын хэн нэг нь бэлэн биш бол дөлж, зугатах нь бий. Бэлэн болоход нэлээн хэдэн жил шаардагдах магадлалтай. 
12. Дөлж зугатсан нэг нь ухаарч, эргэж ирэх үед эхэлж хайрласан нь цөхрөл, гутралд орж, өвчинд баригдсан байх нь бий. Эргэж ирсэн нь хүлээлгэсэнээ бөөцийлж хайралж тэнхрүүлж авна. 
13. Та хоёр хэдэн ч удаа салж нийлсэн бай, та хоёр буцаад л нийлэх болно. Ямар нэг байдлаар холбогдох шалтаг, шалтгаан, тэмдэг, давхцал гарч ирсээр байдаг. 
14. Харилцаа холбоо нь маш их ээдрээтэй байх болно. Нэг өдөр маш их жаргалтай, дараагийн өдөр нь өмнө нь мэдэрч байгаагүй зовинол мэдрэх жишээтэй.
15. Кармаг нөхөж дуусч, балансжуулахын тулд та хоёр бие биенийхээ дургүйг хүргэх олон зүйл хийх болно. Гэсэн хэдий ч харилцаа холбоо ерөнхийдөө улам сайжран, бат бэх болдог.
16. Найз нөхөд, гэр бүлийн гишүүд чинь та хоёрын сайндаж, муудах эрс тэс харилцаа холбоог эсэргүүцэж, өөр хүнтэй учрахыг зөвлөнө.
17. Заяаны учралын тусламжтайгаар маш хурдан өсч дээшлэх боломжтой. Өөр ямар ч харилцаа холбоотой зүйрлэшгүй хурдан дээшилдэг.
18. Таны өмнөх харилцаа холбоо заяаны учралтайгаа учрах бэлтгэх байсныг ухаарах болно. Таны заяаны хань өмнөх учрал, дотно найзуудын олон төрлийн зан чанарыг нэгэн зэрэг агуулсан байна. 
19. Та бүхий л амьдралынхаа туршид энэхүү хүнийг хүлээж байснаа мэдэрнэ. Туулсан амьдралаа эргээд харахад бүтээгүй учрал, зовлон бүхэн "түүнтэй" учруулахын тулд болж байсныг ухаарах болно. 
20. Та энэ 3 хэмжээст ертөнцөд амьдрахаас бүрэн залхсан байсан хэдий ч заяаны ханьтайгаа байхын тулд сайжирж, урам зориг орох болно.
21. Та хөгшин сүнс бөгөөд энэ амьдрал таны сүүлийн амьдрал бол заяаны хосууд учирдаг талтай.
22. Та заяаны ханьтайгаа хэдий чиний хамт цагийг өнгөрөөнө, та хоёрын ухамсар төдий чинээ хурдан дээшлэх болно. 
23. Та заяаны ханиа заяагаар учирсан гэдгийг цаанаасаа гүн гүнзгий мэдрэх бөгөөд энэ амьдралаар зогсохгүй цаашаа улам сайжран, гэртээ харьж, үүрдийн мөнхөд хамт байх болно гэдгийг мэднэ.

http://keytosecret.blogspot.com/- avsan shu

Японы домог яриануудаас

Teke Teke гэдэг нь энэхүү бодгаль тохойн дээрээ мөлхөх үед гардаг чимээг илэрхийлжээ. Хуучны зарим түүхэнд өгүүлснээр сургуулийн сурагч охин метроны зам руу унан ирж байсан метронд мөргүүлэн бие нь хоёр хуваагдсан гэдэг байна. Түүний сүнс хөрөө эсвэл хадуур бариад өөрөөс нь зайлсхийх боломжгүй болсон хохирогчийг хоёр хувааснаар өөрөө ганцаараа биш болдог гэдэг байна. “Шөнөөр гэртээ харихаар явж байсан сургуулийн сурагч хөвгүүн цонхны тавцан дээр тохойгоороо тулан суугаа хөөрхөн охиныг олж хардаг. Тэд бие бие рүүгээ харан инээмсэглэх ба хөвгүүн охиныг юу хийж байгааг гайхан бодож амжаагүй байтал охин гэнэт цонхноос үсрэн гарч ирэх үед охины тал бие алга байдаг байна. Айсандаа хөшсөн хөвгүүнийг зугтахаас өмнө охин түүнийг хоёр хуваадаг.”
Хүүхдийн сүнс шингэсэн нууцлаг хүүхэлдэй хэдэн арван жилийн турш олон Япончуудын сонирхлыг татаж ирсэн. Домогт энэ хүүхэлдэй үрлэн хар нүдтэй, ургадаг үстэй бөгөөд 40 см өндөртэй, кимоно өмссөн байдаг. Хүүхэлдэй хуучин эзнийхээ нэрээр нэрлэгдсэн байдаг. “1938 оноос хойш Okiku хүүхэлдэй Iwamizawa хотын Mannenji сүмд суурьшиж ирсэн. Сүмийнхний зүгээс мэдэгдсэнээр энэ уламжлалт хүүхэлдэй анх богино тайрмал үстэй байсан ч үс нь ургасаар одоо өвдгийг нь давсан урттай болсон гэнэ. Үсийг нь тодорхой хугацааны дараа тайрдаг ч үс нь ургасаар л байдаг.”
Хүүхэлдэйг 1918 онд Eikichi Suzuki нэртэй 17 настай хөвгүүн Саппород далай тэнгисийн үзэсгэлэн үзэхээр ирэх үедээ худалдан авсан байна. Саппорогийн алдартай гудамжны зах Tanuki-koji-гоос хүүхэлдэйг худалдан авсан хүү 2 настай дүү охин Okiku-даа бэлэглэжээ. Бяцхан охин хүүхэлдэйндээ их хайртай байсан ба өдөр бүр тоглодог байсан ч дараах жил нь ханиаднаас болж нас барсан байна. Охины гэр бүлийнхэн хүүхэлдэйг гэрийнхээ тахилын ширээнд залж, өдөр бүр охиноо дурсан залбирдаг байжээ. Хэсэг хугацааны дараа тэд хүүхэлдэйний үс ургаад байгааг анзаарсан байна. Энэ нь охины сүнс хүүхэлдэйнд шингэсний илрэл байв. 1938 онд Suzuki-гийн гэр бүл Sakhalin руу нүүхдээ хүүхэлдэйг Mannenji сүмийнхний асаргаанд үлдээсэн нь өнөөг хүртэл тэндээ байгаа аж. Хүүхэлдэйн үс яагаад ургаад байгааг хэн ч тайлбарлаж чадахгүй байгаа ч шинжлэх ухааны нэгэн судалгаагаар хүүхэлдэйн үс жаахан хүүхдийн үс байж магадгүй гэсэн дүгнэлт гарсан гэдэг.
“Aka Manto бол угаалгын өрөөн дэх сүнс юм. Суултуур дээр сууж байгаа хүнээс үл мэдэгдэх дуу хоолой улаан эсвэл цэнхэр ариун цэврийн цаасны алийг нь авмаар байгааг асууна. Хэрвээ улаан гэж хэлбэл тухайн хүний бие хэдэн хэсэг хуваагдаж, хувцас нь цусанд будагдан улаан болно. Цэнхэр гэвэл царайг нь цэнхэр болтол хоолойг нь боомилно. Өөр цаас байна уу хэмээн асууж, сүнсийг зальдахыг оролдвол сүнс тэр даруй тамын ертөнц рүү түүнийг чирч одно. Амьд гарах нэг эргэлзээгүй арга нь цаас хэрэггүй ээ гэж хариулах бөгөөд сүнс таныг орхих болно.”

Hitobashira буюу хүн багана гэдэг нь эрт цагт Японд хийгддэг байсан хүн тахилын нэг хэлбэр юм. Энэ ёслолоор хүнийг амьдаар нь далан, гүүр, орд харш зэрэг барилга байгууламжийн суурийн доор эсвэл дотор хийж тахилга хийдэг ба ингэж тахиснаар бурхдаас үер ус зэрэг байгалийн гамшиг эсвэл дайсны халдлагад уг байгууламж өртөж сүйдэхгүй байхыг гуйдаг байжээ. Ингэж тахигдсан хүмүүсийн сүнс байгууламжийн хамгаалагч болж, хамгаалдаг гэнэ. “Shimane муж дахь Matsue Castle-ын hitobashira хамгийн алдартай. 17-р зууны үед баригдсан энэ барилгын хэдэн ч хана нурсан нь барилга найдваргүй болсныг баталжээ. Ингээд барилгыг бөх бат болгохын тулд хүнээр тахилга хийсэн байна. Тухайн үед энэ газарт Bon Festival нэртэй фестиваль болдог байжээ. Ордны хамгаалагчид хот руу очиж, фестивалийн хамгийн сайн бүжигчнийг барьж, ордон руу аваачдаг байв. Тэд олзны хүнийг хөнөөж, цогцсыг хананд шигтгэдэг байсан байна. Ингээд барилгын ажил сааталгүйгээр урагшлах болжээ. Нэгэн удаа барилга баригдсаны дараа Matsue-гийн гудамжинд бяцхан охин бүжиглэх үед ордон бүхлээрээ чичирхийлсэн байна. Тиймээс Matsue-гийн гудамжинд бүжиглэхийг хоригложээ.”

Тамд унасан Tomino гэгчийн тухай өгүүлдэг “Tomino’s Hell” нэртэй шүлгийн тухай Японы алдартай түүх юм. Yomota Inuhiko-гийн бичсэн “Tomino’s Hell” номонд Saizo Yaso-гийн 1919 оны шүлгийн цуглуулгын 27 дахь шүлэг The Heart is Like a Rolling Stone багтсан байдаг. Үнэн худлыг мэдэхгүй ч энэ шүлгийг чангаар унших үед аймшиг эхэлдэг гэдэг. Нэг хүн Radio Urban Legends радио шоугаар энэ шүлгийг уншиж байтал шүлэг талдаа орж байх үед тэр бие нь өвдөн номоо чулуудсан байна. Хэд хоногийн дараа тэр өөрийгөө гэмтээж, 7 оёдол тавих хэрэгтэй болсон байна.

Уншсан, сонссон, ярьсан бүхэн нь үхдэг энэ түүхтэй холбогдсон бүхэн айснаасаа болж үхэх хүртлээ чичирсээр байдаг гэдэг. “Хэсэг оюутнуудыг багш нь талбайн аялалд авч гарчээ. Автобусанд явж байх үеэр багш аймшгийн түүх ярихаар шийдэж, Үхрийн толгойг ярьж эхэлсэн байна. Түүхийг ярих тусмаа багш нь улам бүр эрчтэй, шаргуу болж байгааг оюутнууд нь анзаарч удалгүй багшийнхаа яриаг зогсоохоор хашхирцгаасан ч багш нь яриагаа зогсоож чадахгүй байжээ. Цагдаа нар автобусыг шуудуунаас олсон ба бүх зорчигчид нь амнаас нь хөөс сахарсан байдалтай байсан байна. Тэднийг сэгсчиж дуудсаны дараа сэргээсэн ч хэн нь ч юу болсныг, яагаад ийм байдалд орсноо санахгүй байжээ.”
Цуу татагдсан амтай эмэгтэй гэх энэ домогт өгүүлснээр амны халхавч зүүсэн өндөр эмэгтэй шөнөөр ганцаараа явдаг гэнэ. Гэхдээ энэ хачирхалтай эмэгтэй амны халхавчныхаа цаана аймшигтай дүр төрхөө нуусан байдаг аж. Түүний ихэнх хохирогчид хүүхдүүд байдаг ба тэр түүнийг зогсоон “Би хөөрхөн байна уу?” гэж асуудаг байна. Хэрвээ үгүй гэж хариулбал тэр хайч гаргаж ирээд толгойг чинь цавчина. Тийм гэвэл тэр амны халхавчаа авч, нэг чихнээсээ нөгөө чихээ хүртэл урагдсан амаа гарган харуулж, “Одоо юу гэмээр байна?” гэж асуудаг. Үгүй гэвэл хайчаараа толгойг чинь цавчих ба тийм гэвэл амыг чинь өөрийнх шигээ болгоно. Түүнээс зугтах боломжгүй, учир нь тэр яаж ч зугтсан өмнө чинь гарч ирсээр байх болно. Цагдаа нарын мэдээлснээр 1970-аад оны үед машинд мөргүүлж нас барсан эмэгтэйг олох үед түүний ам нь нэг чихнээсээ нөгөө чихээ хүртэл цуу татагдсан байсан гэнэ.

medeelliig http://news.xopom.com/ s avav

:(

Энэ улс орон минь юу л болоод байнадаа. Юу ч хийж чадахгүй болхоор бухимдаад байх юм. Уг нь Монголдоо ажиллаж амьдарна гэж боддог юм. Ийм хэцүү муухай байгаад байх юм бол хаа нэг тийшээ явсан дээр санагдаж эхлэж байна. Тэгж бодсоор байгад Ногоон картд бүртгүүлчихлээ. Яваад өгөх юм бол зүгээр л юм байна дөө. Монголд нээх сонин ирээдүй ерөөсөө харагдахаа болилоо.